الدجاج محمر معمر بالروز و الكفتة غاية في الروعة

المقادير :

 

  • 2 دجاجات وزن كيلو و ربع نغسله بالملح و الحامض
  • حامضة نحك القشرة و نعصر الحامض
  • 4 فصوص ثوم
  • معلقة صغيرة خرقوم عود
  • معلقة صغيرة ابزار
  • معلقة كبيرة موطارد
  • معلقة صغيرة سكنجبير

 

الطريقة :

بعدما غسلنا الدجاج نحكو شعريات الزعفران الحر بين اليديين ثم نخلط جميع المكونات و نشمرلو بيها الدجاج من الداخل و الخارج و نوضعوه في طنجرة و نتركه ليلة كاملة في الثلاجة و لكن نغطي الدجاج باش ما يطلقش لينا الرائحة في الثلاجة.
نوضعوه في طنجرة نضيف 2 بصلات و معلقة كبيرة زيت عادي و الملح في و نشحر المكونات حتى كتذوب 10 دقائق أو 15 دقيقة و نضيف الماء و نخليو الدجاج يطيب نزولوه من المرق و نضعه في صينية الفرن و نذهنه بمعلقة كبيرة زبدة و معلقة كبيرة موطارد و التحميرة حتى كيتحمر و لا المرق اللي بقا كنصفيوه و كنرجعوه يتدغمر حتى كتشرب لينا المرقة.

الحشوة :

  • 250 غ كفتة بدون شحمة
  • 2 بصلات
  • معلقة كبيرة زبدة
  • ابزار – سكنجبير – ملح

نشحرو هذه المكونات و نضيف الكفتة
ثم ناخذ 150 غ روز عادي أبيض نصلقوه في الماء و 2 معالق صغار ملح و نغسلوه و نصفيوه و نضيفه على المكونات اللي عندنا و نمزج ثم ناخذ معلقة من المرق و نضيفها على الحشوة اللي فيها الكفتة و الروز و نتركهم جانبا.
ثم كمية اللوز كتبقی اختيارية نصلق اللوز و نقشر و نحمرو اللوز جيدا و ناخذ نصف الكمية و نهرمشها و نضيفها لحشوة الروز و الكفتة و الكمية المتبقية من اللوز نتركها للتزيين بعدما بتحمر الدجاج ناخذ المقص الخاص بالطبخ و نفلح صدر الدجاج و نعمر بالحشوة و الروز و أيضاً نقدموه في زليفات بالاضافة للمرق و نزين باللوز.
و يقدم بالصحة و الراحة.