فطيرة الملوك كتجي لذيذة بمقادير مضبوطة

مقادير العجين:

  • 500غ دقيق
  • 50غ زبدة
  • 250غ ماء
  • رشة ملح

الطريقة:

كنخلطو العناصر كاملة،و نخليوها ترتاح مدة ساعة؛من بعد كنطويوها 6 دورات بسيطة مع 400غ زبدة؛الخاصة بالتوراق

تحضير كريما الحلواني:
250غ حليب،حبيبات عود ڤانيلا؛بيضة كاملة؛100غ سكر؛30غ بدرة الحلواني “تجارية”
كنوضعو الحليب يغلى فوق النار مع حبيبات عود الڤانيلا؛نطربو البيض؛السكر و بودرة الحلواني؛نصبو الحليب على خليط البيض،و نرجعو الكل فوق النار يغلى مع التحريك حتى نحصلو على خليط كثيف؛نخليوه على جنب

تحضير كريما الفرانجپان:

كريما لي كتحضر من مزيج من كريما الحلواني و كريما اللوز؛و اللتي تعتبر قاعدة أساسية لتحضير فطيرة الملوك
100غ زبدة
100غ سكر
100غ لوز مطحون بقشرته بدون تحميص “لوز فورنا”
معلقة كبيرة دقيق
بيضة

الطريقة : 

كنخلطو جميع العناصر حتى نحصلو على خليط ناعم؛و كنضيفو ليه 90غ من خليط كريما الحلواني؛و نحركو مزيان؛نسرحو العجين المورق ديالنا نشكلو قرصين ديال 25سم في كل واحد؛نوضعو القرص الأول فوق لاطة الفرن،بعد ما نكونو فرشنا فيها ورق الطبخ، ،نوضعو خليط الكريما في جيب الحلواني و نخرجوه بشكل حلزوني؛ندهنو جوانب القرصين بصفار بيضة،نغطيو بالقرص الآخر،و نضغطو و براس سكين؛نفلحو الجوانب غير بشوية؛ندهنو وجه الفطيرة بصفار البيض؛و نعملو خطوط بسكين بحال في الصورة، (انظر الصورة) و ندخلوها للفرن مسخن على درجة حرارة 200° لمدة 10د من بعد كنخفضو لحرارة ل 180° و نكملو الطياب ل20د إضافية تقريبا و بالصحة و الراحة.